Bagamat wala na ang dalawang bagyo na sina Super typhoon Egay at Falcon, patuloy na lumolobo ang bilang ng mga naapektuhan dulot ng malawakang pagbaha sa iba’t ibang panig ng bansa.

Sa ulat ng National Disaster Risk Reduction and Management Council (NDRRMC), nasa 3,028,040 katao o 805,621 pamilya ang naapektuhan ng pananalasa ng tatlong sama ng panahon mula sa Ilocos , Cagayan, Central Luzon, Calabarzon, Mimaropa, Bicol, Western Visayan, Eastern Visayas, Northern Mindanao, Soccsksargen, Bangsamoro, Cordillera at Metro Manila.

Sa nasabing bilang ng naapektuhan, 57,226 katao o 15,473 pamilya ang nasa loob ng 648 evacuation centers habang nasa 229,831 katao o 57,000 pamilya ang nasa labas.

Nadagdagan pa ng dalawa ang nasawi na ngayon ay nasa 29 na at tumaas din sa 165 ang naiulat na nasugatan.

Umabot na rin sa P3,631,012,164 ang naiulat na pinsala sa agrikultura at P 1,938,835 naman sa agrikultura.

Nakapagtala din ang NDRRMC ng 590 lugar na binaha, 33 insidente ng landslides, 16 tornadoes, 43 fallen trees, dalawang sinkholes at isang maritime incident.

Sa ngayon nasa 232 lungsod at munisipalidad na ang inilagay sa state of calamity dahil sa labis na pinsalang dulot ng mga bagyo at Habagat.