Inanunsyo ng Department of Budget and Management (DBM) na inilabas na ang pondo para sa pagpapatupad ng umento sa sahod ng mga kawani ng gobyerno.

Ayon kay Budget Secretary Amenah Pangandaman, naglabas ang DBM ng kabuuang P36.450 billion sa lahat ng 308 departamento at ahensya ng pamahalaan para sa Salary Standardization Law VI.

“In light of this, I am appealing to the heads of the respective departments/agencies to hastily enforce the salary adjustments by taking necessary steps forward, including the process and issuance of the Notices of Salary Adjustment (NOSA), so that our government workers may start receiving their differential and salary increases,” sinabi ni Pangandaman.

Ang first tranche ng salary increases para sa mga government workers ay retroactive mula January 1, 2024.

Ang salary adjustments ay ginawa kasunod ng pagpapalabas ng Executive Order 64 ni Pangulong Ferdinand Marcos Jr. noong August 2, 2024.

Sakop ng Executive Order 64 ang lahat ng civilian government personnel sa Executive, Legislative, at Judicial branches; constitutional commissions at iba pang constitutional offices, gayundin ang mga manggagawa sa government-owned and -controlled corporations (GOCCs) at local government units.

Nauna ng sinabi ng DBM na ang first tranche ng salary increases ay popondohan sa pamamagitan ng miscellaneous personnel benefits fund (MPBF) at unprogrammed appropriations, na mayroong average increase na 4.41% para sa salary grades (SGs) 1 hanggang 31.

"This will bring the minimum basic salary under SG1 up by P530 to P13,530, with the increase for SG1 to SG10 between 4% and 5.20%," ayon sa DBM.

Para sa professional level o SG11 to SG24, kabilang ang mga manggagawa na ni-require ng ahensya na isagawa ang kanilang mandato, ang umento ay mula 4.50% hanggang 5.60%.

Sa Managerial levels o SGs 25 to 28, mayroon itong umento sa sahod mula 4.15% hanggang 4.40%, executive levels o SGs 29 hanggang 31 na may 2.65% hanggang 3.90%, at top leaders o SGs 31 hanggang 33 na may 2.35% hanggang 2.40%.

Ayon sa DBM, naglaan ito ng P70 billion sa panukalang 2025 national budget para ipatupad ang unang two tranches ng umento sa sahod ng mga government worker, sakop ang mga taon na 2024 at 2025.