Kagaya ng karamihan na nagsimula at naging successful sa showbiz industry, hindi rin naging madali ang buhay para sa komedyanteng si Bayani Agbayani.

“Mas mahirap pa kami sa daga. Naglalatag kami ng karton sa palengke at doon kami natutulog na anim na magkakapatid kasama ang nanay naming tindera. Ilang taon din yun,” maluha-luhang kwento ni Bayani kay Korina Sanchez-Roxas sa programa nito sa NET25 na ‘Korina Interviews.’

“Wala kaming regular na oras ng pagkain. Minsan, nagtatanghalian kami 3, 4 p.m., ganu’n kalala,” pagbabahagi pa ni Bayani.

bayani interview.jpg

Pero dahil sa sipag, diskarte, sipag at talino ni Bayani, pumasok ito bilang set & props coordinator sa isang noontime show noon “Lunch Date” kung saan nakilala niya si Randy Santiago.

bayani old photo.jpg

Natuwa si Randy sa kaniyang kasipagan at kakulitan kaya sinasama-sama siya sa mga raket.

At dahil mataas ang pangarap niya sa buhay, nang alukin siya ng mas mataas na posisyon, naging assistant writer siya ni Cesar Kosme at siya ang sumulat ng buong skit segment na “Sari-Sari Stories” ng noontime show nila.

Bayani with Randy.jpg

Nag-uuwi siya ng mga scripts ng kasamang writer at inaaral niya ito.

Kwento pa ni Yani, dahil hindi siya marunong gumamit ng typewriter at computer, inuutusan niya si Len-Len, asawa niya ngayon, na i-type ang script niya. Noong time na ‘yun, researcher ng kanilang programa si Len-Len.

Kalaunan, ang inuutusan niyang mag-type ng kaniyang scripts ay na-typan niya!

bayani and lenlen old photo.jpg

Hindi pa nagtapos ang magandang career ni Bayani. Nang lumipat si Randy Santiago sa ibang network sa programa ni Sharon Cuneta, nakilala ng megastar ang makulit na si Yani. At dito kinuha siya bilang ‘extra’ at sidekick ni Randy.

Aniya, tuwang-tuwa ang megastar sa kaniya at kahit may mga out of the country ang ‘The Sharon Cuneta Show’ ay kasama rin siya.

Nagboom ang career ni Bayani at sumikat sa sitcom na“Kaya ni Mister, Kaya ni Misis” kasama sina Cesar Montano and Diamon star Ms. Maricel Soriano.

Bayani with cesar and maricel.jpg

Masasabing peak ng career niya ang nang sumikat ang kanta niyang ‘Otso Otso”.

bayani otso otso.jpg

Ibinahagi ng komedyante na siya mismo ang nakaisip ng title nito. At ang dance craze na magpahanggang ngayon ay sinasayaw pa rin, si Bayani rin ang nakaisip.

Siyempre hindi pinalampas ng komedyante na mapasayaw ang batikang TV host at mamamahayag na si Korina Sanchez-Roxas na sumayaw ng “Otso Otso.”

KORINA otso otso.jpg

Dahil sa magandang takbo ng kaniyang career, marami na rin siyang naipundar.

Napagtapos niya ng pag-aaral ang kaniyang mga anak. Nabigyan niya ng bahay ang kaniyang mga in laws. At sa kasalukuyan ay mayroon nang 10 apartment silang mag-asawa.

bayani wife and daughter.png

Mensahe ni Bayani sa mga aspiring comedians, maging matiyaga, mahalin ang trabaho, maging mabait at magalang.

Panoorin ang buong episode ng interview ni Korina Sanchez-Roxas kay Bayani Agbayani sa - https://www.youtube.com/watch?v=G8GDJsehGLE