Isang babaeng pasahero ang dinakip ng mga tauhan ng Bureau of Customs at NAIA -Inter Agency Drug Interdiction Task Group (IADITG) matapos makuhanan ng nasa tatlo at kalahating kilo ng cocaine na nagkakahalaga ng nasa P18.3 milyon sa loob ng kanyang bagahe.

Kalaboso ang suspek na si Zenaida Losloso, 49, na taga - Lucena City.

Huwebes ng gabi nang dumating sa bansa ang biktima mula Addis Ababa sa Ethiopia sakay ng Ethiopian Airlines flight Et-644 na lumapag sa NAIA terminal 3.

Nadiskubre ng BOC ang ilegal na droga na may bigat na 3,454 grams na may street value na aabot sa P18,306,200 na nakasilid sa ilalim ng bagahe kasama ang mga damit ng suspek nang dumaan sa initial x-ray machine at customs examiner at NAIA IADITG.

Sinabi naman ng suspect na hindi niya alam na may droga sa kaniyang bagahe. Idinagdag pa nito na may nakilala lamang siyang kapwa Pinay sa online na nag-alok sa kaniya ng free travel.