President: Republic of the Philippines

Mula sa pamilya ng mga pulitiko, ginugol ni Ferdinand Romualdez Marcos Jr. ang higit sa dalawang dekada ng kaniyang buhay sa pagsisilbi sa publiko. Patunay ang mahaba at tapat na paglilingkod sa kaniyang tapat na pangangalaga sa kapakanan ng mamamayan, at nang matatag na determinasyon para itaas ang buhay ng bawat Pilipino.

Early Life

Mas kilala sa tawag na ‘Bongbong’ at BBM, isinilang si Ferdinand Romualdez Marcos Jr. noong September 13, 1957 sa bayan ng Batac, Ilocos Norte. Nag-aral siya ng elementarya sa La Salle Greenhill (1964), at nagtapos naman ng kaniyang secondary education sa Worth School sa West Sussex, England. Nagtamo naman siya ng Special Diploma sa Araling Panlipunan mula sa Oxford University (1978). Nag-enroll din ang batang Marcos sa Wharton School of Business para sa Master of Business Administration ngunit hindi niya natapos dahil sa maagang pagsabak sa pulitika. Nahalal siya noong 1980 bilang Bise Governador ng Ilocos Norte.

Family

Si Bongbong ang nag-iisang anak na lalaki ng yumaong dating Pangulong Ferdinand E. Marcos Sr. at dating Unang Ginang Imelda Romualdez Marcos. Mayroon siyang tatlong kapatid na babae sina Imee, Irene at Aimee.

Noong 1993, pinakasalan ni Bongbong si Louise “Liza” Cacho Araneta. Sila ay biniyayaan ng tatlong anak sina Ferdinand Alexander “Sandro”, Joseph Simon at William Vincent “Vinny”.

As Public Servant

Lumaki sa Bongbong na nakikita niya ay ang maglingkod sa bayan. Sa maraming taon na ginugol sa Malacañang at nasaksihan mismo ang paano inialay ng kaniyang mga magulang ang kanilang buhay sa paglilingkod sa bayan at sa mga kababayan, determinado siya mula sa murang edad na italaga ang kaniyang buhay sa serbisyo publiko at sa kapakanan ng kaniyang mamamayan.

Mula 1998 hanggang 2007, nagsilbi siya bilang Gobernador ng Ilocos Norte kung saan nagsilbi siya ng tatlong magkakasunod na termino. Sa panahon ng kaniyang panunungkulan, binago niya ang Ilocos Norte at ginawang first-class province na kinilala sa buong mundo. Sa panahon din ng kaniyang panunungkulan ay naging pioneer ang Ilocos Norte sa wind power technology na hanggang ngayon ay nagsisilbing alternatibong mapagkukunan ng enerhiya hindi lamang para sa mga pangangailangan ng lalawigan, kundi para sa iba pang bahagi ng hilagang Luzon.

Noong 2007, muling nahalal si Bongbong sa Kongreso, kung saan siya ay hinirang na Deputy Minority Leader ng House of Representatives. Sa terminong ito, isa sa mahahalagang batas na kaniyang inakda ay ang Philippine Archipelagic Baselines Law (Republic Act No. 9522).

Noong 2010, nanalo si Bongbong sa pagka-Senador, pumuwesto siya sa ika-7 sa pangkalahatan. Namuno siya bilang Senate Committee on Local Government at Committee on Public Works.

Sa taon niya sa Senado, inuna niya ang pagbibigay ng suporta sa mga Overseas Filipino Workers (OFWs) sa pamamagitan ng pag-akda ng Senate Resolution No. 379, na nag-atas sa Senate Committee on Foreign Relations na tingnan ang mga remedial na hakbang na ginawa ng Department of Foreign Affairs (DFA) sa pagprotekta sa kapakanan at interes ng mga Pilipinong naghahanap ng trabaho sa Taiwan.

Ang kaniyang adhikain na mabigyan ang mga Pilipino ng sustainable, affordable, at reliable energy sa pamamagitan ng mga Bills and Resolution na kanyang inihain tulad ng:

Senate Bill No. 2593: Hydrogen Research, Promotion, And Development Act of 2010

Senate Bill No. 2885: Climate Change Education Act of 2011

Senate Bill No. 410: Ang Philippine Green Building Act

Senate Bill No. 2097: PAGASA Modernization Act (RA 10692)

Resolusyon ng Senado Blg. 622: Sistema ng Imprastraktura ng Enerhiya

Hindi naging hadlang ang pagkatalo niya noong 2016, at ganap na nakatuon sa kaniyang vision ‘United Philippines’, nagpasya si Bongbong na tumakbo sa pinakamataas na katungkulan sa gobyerno noong 2022.

Noong ika-9 ng Mayo 2022, mahigit 50 milyong Pilipino ang bumoto. 31 milyong Pilipino ang nagtiwala kay Bongbong Marcos, na nahalal na may pinakamalaking bilang ng boto ng sinumang kandidato sa Pangulo sa kasaysayan ng bansa.

Bilang Pangulo, nangako si Bongbong Marcos na maging isang pinuno para sa bawat Pilipino at naninindigan sa likod ng kaniyang pananaw na ‘uniting the nation’ at maghatid ng mas magandang kinabukasan para sa bayan.

Accomplishments after one year of his Presidency:

Minarkahan ni Pangulong Ferdinand R. Marcos Jr. ang kaniyang unang taon sa panunungkulan noong Hunyo 30, 2023, na puno ng mga tagumpay sa larangan ng pagtulong sa mga ordinaryong Pilipino, pagpapanatili ng paglago ng ekonomiya at pagtataguyod ng bansa bilang investment destination.

Ang pagbubukas ng ekonomiya ng Pilipinas ang itinuturing na pangunahing tagumpay sa unang taon ng Administrasyon na nagbigay-daan para sa unti-unting pagbangon ng bansa mula sa epekto ng COVID-19 pandemic.

Lumago ang ekonomiya ng 7.6 percent at 7.2 percent sa ikatlo at ikaapat na quarter ng 2022, at 6.4 percent sa unang quarter ng taong ito.

Nagsilbing number one salesman ng Pilipinas ang Pangulo sa pamamagitan ng aktibong pagpapakilala sa bansa bilang investment destination sa lahat ng mga bansa at international conventions na kaniyang dinaluhan. Pinalakas din ang mga diplomatic relations ng Pilipinas sa mga bansang kaniyang pinuntahan.

Sa pag-upo ni Pangulong Bongbong Marcos, isinulong nito ang foreign polocy na “friends to all, enemy to none.” Kaya naman itinulak ng administrasyong Marcos Jr. na pagbutihin pa ang magandang relasyon sa mga bansa sa kabila ng mga geopolitical issues na hinaharap sa Asia Pacific Region.

Gaya ng kaniyang pangako na wala isa mang pulgada ng teritoryo ng bansa ang isusuko, pinalakas ni Pangulong Marcos ang pag-a-angkin ng bansa sa mga pinagtatalunang teritoryo sa West Phlippine Sea. Sa ilalim nito, pinatatag ang relasyong pangdepensa sa mga bansa gaya ng Estados Unidos, Australia at Japan. Pinataas din ang uri ng mga kasangkapan ng Armed Forces of the Philippines (AFP) at ng Philippine Coast Guard (PCXG). Hindi rin nagsasawa ang Department of Foreign Affairs (DFA) na isulong ang mga protesta laban sa China sa tuwing may mga tensyon at agresibong hakbang ang mga Chinese vessels sa pinagtatalunang teritoryo. Pero sa kabila nito, patuloy pa ring pinatatatag ang relasyon at mabuting pagkakaibigan sa China. Kinikilala ng mga maritime law expert ang mga hakbang na ito ni Pangulong Marcos na inilarawan nilang nasa tamang landas.

Samantala, nilagdaan ni Pangulong Marcos Jr. ang anim na batas pagkatapos ng isang taon sa kanyang termino bilang ika-17 pangulo ng Pilipinas. Sa anim na batas na kaniyang pinagtibay, tatlo lamang ang bahagi ng 42 priority bill na iminungkahi ng Legislative Executive Development Advisory Council ng kaniyang administrasyon.

SIM Registration Act (Republic Act 11934)

Opisyal na itinalaga bilang Republic Act No. 11934 o SIM card law na nag-uutos sa pagpaparehistro ng mga SIM card bago i-activate. Sa ilalim ng panukala, ang mga gumagamit ng mobile device, ay dapat magparehistro ng kanilang mga SIM card, prepaid man o postpaid. Naglalayon itong magbigay ng pananagutan para sa mga gumagamit ng mga SIM card at tulungan ang pagpapatupad ng batas upang papanagutin ang mga gumagawa ng krimen sa pamamagitan ng paggamit ng mobile phone. Noong Disyembre 12, 2022, inilabas ng National Telecommunications Commission (NTC) ang implementing rules and regulations (IRR) ng nasabing batas.

Postponement of Barangay / SK Elections (RA 11935)

Nilagdaan ni Marcos noong Oktubre bilang batas para ilipat ang halalan sa barangay at Sangguniang Kabataan sa Oktubre 2023. Ang panukalang ito ay nagpapahintulot sa mga kasalukuyang opisyal na panatilihin ang kanilang mga posisyon sa isang holdover na kapasidad maliban kung sila ay masuspinde o maalis sa pwesto.

Gayunpaman, idineklara ng SC noong Hunyo 27 na labag sa konstitusyon ang batas, bagama't iniutos nitong isulong ang halalan sa Oktubre gaya ng nakasaad sa ilalim ng RA 11935.

Ammendments on the Fixed Term of the Armed Forces of the Philippines Officials (RA 11939)

Sa ilalim ng bagong batas, ang chief of staff ang tanging opisyal na magkakaroon ng maximum tour of duty ng tatlong magkakasunod na taon maliban na lang kung maagang i-terminate ng pangulo. Nakasaad din sa batas na ang compulsory retirement ng chief of staff ay magaganap sa pagtatapos ng tour of duty o sa pag-relieve ng chief executive ng bansa. Binago din ng batas na ito ang compulsory retirement ng mga nasa grades ng second lieutenant/ensign to lieutenant general/vice admiral sa edad na 57. Sa nakaraang RA 11709, ang mga opisyal sa grade ng brigadier general/commodore hanggang lieutenant general/vice admiral ay nagkaroon ng compulsory retirement sa edad na 59.

Sinertipikahan ni Pangulong Marcos jr ang tatlong panukalang batas bilang ‘urgent’: ang kontrobersyal na Maharlika Investment Fund (MIF) Act of 2023, Philippine Center for Disease Prevention and Control Act, at ang Public-Private Partnership Act.

Maharlika Investment Fund bill

Itinatag ng Republic Act (RA) 11954 ang MIF, na nilayon upang maging daan para kumita at lumikha ng mga pamumuhunansa mga pangunahing sektor. Magiging instrumento ang wealth fund para mapabilis ang pagpapatupad ng 194 infrastructureprojects ng Build Better More program na inaprubahan ng National Economic and Development Authority (NEDA).

Philippine Center for Disease Prevention and Control Act

Upang magbigay ng seguridad sa kalusugan ng mga Pilipino at magpoprotekta mula sa mga sakit at iba pang banta sa kalusugan, sa loob at labas ng bansa.

Public-Private Partnership Act

Isang kontraktwal na kasunduan sa pagitan ng Gobyerno at isang pribadong kumpanya na naka-target sa pagpopondo, pagdidisenyo, pagpapatupad at pagpapatakbo ng mga pasilidad at serbisyo sa imprastraktura na tradisyonal na ibinibigay ng pampublikong sektor.

New Agrarian Emancipation Act (RA 11953)

Iniaalis ng batas na ito ang lahat ng mga utang, kabilang ang mga interest, penalties, at surcharges na natamo ng mga agrarian reform beneficiaries (ARBs) mula sa lupang iginawad sa kanila sa ilalim ng Presidential Decree (PD) 27, RA 6657, at RA 9700.

“The President did well on Year 1. Keep up the good work, Mr. President,” pahayag ni sabi ni House Speaker Martin Romualdez.

Ani Romualdez na ginawa ng Pangulo ang kaniyang makakaya sa pagsisikap na lutasin ang mga pangunahing problema ng mga Pilipino tulad ng mataas na presyo ng mga bilihin at kakulangan ng pabahay. Nagawa nitong patatagin at bawasan ang presyo ng sibuyas at bigas.

Tinugunan din ng Pangulo ang mga programa sa pabahay tulad ng Bagong Lipunan Improvement of Sites and Services (BLISS).

Ang BLISS ay proyekto ng ina ni Pangulong Marcos Jr., dating minister of human settlements at dating Unang Ginang na si Imelda Romualdez Marcos.

Inilunsad din ng Pangulo ang Pambansang Pabahay Para sa Pilipino at inutusan ang Department of Human Settlements and Urban Development na magtayo ng medium-rise at high-rise condominiums para sa mga mahihirap at tauhan ng gobyerno, kabilang ang mga sundalo at pulis.

Sa darating sa Lunes, Hulyo 24, 2023, mag-uulat sa bayan si Pangulong Bongbong Marcos, ilalahad ang kaniyang plano sa ikalawang taong termino nito sa panunungkulan bilang Pangulo ng bansa.