Dahil sa walang tigil na pag-ulan na nararanasan ng probinsya ng Bataan dulot ng Bagyong Goring, labin-isang pamilya ang apektado ng pagguho ng lupa sa Barangay Daan Pare sa Orion, Bataan.

Nasa sampung bahay ang apektado ng pagguho ng lupa o aabot sa labinwalong indibidwal, ayon kay barangay Captain Dante Matic. Dalawa naman ang naiulat na nasugatan.

Sa inisyal na imbestigasyon, dahil sa walang tigil na pag-ulan, naipon ang tubig mula sa kabundukan o highland area at ito ang sumira sa konkretong bakod ng isang subdivision na humantong sa pagguho ng lupa.

Nakipag-ugnayan ang MDRRMO Orion at lokal na pamahalaan at sa iba pang kinauukulang ahensya para tumulong sa nasabing insidente.

Samantala wala namang naiulat na lumikas mula sa mga apektadong bahay.