TEVES, IBA PANG SUSPECTS SA DEGAMO SLAY, BALAK ISAMA SA INTERNATIONAL LOOKOUT BULLETIN

Published Mar 18, 2023 08:45 PM by: NET25 News|📷 PNA

Pinag-aaralan ng Department of Justice (DOJ) na maisama sa international look-out bulletin ang mga suspek sa pagpatay kay Negros Oriental Governor Roel Degamo kabilang dito si Rep. Arnolfo Teves. Ito ang inihayag ni DOJ Spokesperson Mico Clavano, na bukod kay Teves , ayon sa PNP may 5 pang suspek at 12 ‘John Does’ ang dawit sa kaso. “So all those that are in relation to the Degamo slay, we have taken concrete steps na maglabas po ng international lookout bulletin, pinagpag-usapan po natin ang paglagay ng mga tao sa blue list, sa Interpol ‘no – Blue Notice,” ani Clavano sa media briefing sa Quezon City. “Just so that we are aware doon sa movements ng ating mga respondents who may very well be involved in the Degamo slay and may be vital sa ating investigation,” dagdag pa nito.